有三類失敗特質嘅父母, 會教壞下一代！千萬別要有以下三種特質，如果你有其中一種，必須要立即改善！

第一種：「成日都唔學習嘅父母」
如果你好想你個孩子進步，有好新嘅知識，將來成長會有好高嘅智慧，但係做父母嘅自己就唔肯去學習，成日都攞住舊有嘅思維模式去教導孩子，甚至用佢自己嘅舊有傳統嘅思維，佢擺佢每日嘅人生，限制左自己唔去進步，但世界轉得太快，每日都係度變，但係如果你唔去學習，你做父母嘅，你點樣有一個好好嘅思維，點樣有好好嘅知識，去令到你同你個孩子有更好嘅溝通？不停進步，不停學習，就好似父母一樣，係佢哋身邊佢會睇到，父母都喺度進步，父母都喺度學習，孩子又點敢放輕唔去學呢？

第二：「成日都唔去運動嘅父母」
父母好想孩子健康成長，但係自己就成日攤係疏化睇電視啦、食啲唔健康嘅嘢啦！但係就好要求孩子做運動啦，健康啲啦，希望佢哋快高長大，但係你唔會培養一個好健康嘅環境，健康嘅習慣，令到孩子跟隨你去一齊健康，咁你諗下，你嘅孩子將來，佢嘅健康有幾好呢？

第三：「成日都埋怨嘅父母」
有些父母乜嘢都唔關佢事，樣樣野都係人哋影響到佢，唔好嘅老闆啦！唔好嘅經濟環境啦！唔好嘅政策啦！唔好令到佢樣樣野都唔開心！世界所有嘅嘢都係唔關佢事，佢有乜嘢唔好，都係周圍嘅人影響佢，在個孩子面前不停埋怨、不停投訴，咁你覺得孩子會學習到啲乜嘢係佢嘅生命裏面？佢嘅價值觀？他們學習到原來好多野都係怪對方，唔關自己事！咁佢係佢將來成長樣樣野都係弱者，因為佢覺得佢嘅生命係交係人手裏面控制，而不是自己掌握！

所以，如果你係父母，你有以上三個特質，需要立即去改善，做好一個好嘅榜樣，令到你嘅孩子學到一個新嘅思維模式！新嘅健康的習慣，同埋有一個好好嘅心態，唔會去埋怨人習慣咗好多野都係控制自己手，開唔開心人生，一個好嘅榜樣，千祈唔好令到你嘅下一代學習到一啲壞嘅習慣，每一個人都要為自己人生負責任，才能夠掌控自己的人生！

很多女性朋友說：「我要嫁個有錢人！」其實有錢係咪代表幸福呢？

如果你真係嫁咗個有錢人，但佢本身冇時間陪你，又或者佢對你一啲都唔珍惜，呼之則來，揮之則去，咁你覺得你嘅人生，你將來嘅下半世同一個咁嘅人一齊是否幸福…..會否開心呢？其實你係嫁俾錢？或是嫁俾一個真正關心你，真係愛你、照顧你、同你可以行埋下半世，可以同你一生一世嘅人呢？

所以，今日好想同大家分享下女性應該要用啲乜嘢嘅條件去衡量最重要揀選你嘅下半世嘅伴侶係乜嘢呢？其實就係「品格」！

每一個男性佢同你一齊拍拖嘅時候，當你決定應唔應該嫁俾佢嘅時候，是很難決定！特別在啱啱拍拖時，你好難睇到佢真正嘅性格，係咪真係好？所以，我哋留意嘅就係佢嘅細節，唔係佢對你好唔好，而係睇吓佢如何對待側邊嘅人，佢如何同人相處，例如佢去食飯嘅時候，佢會唔會對侍應好冇禮貌，睇唔起人呢？又或者佢會唔會對屋企人好？當父母打電話俾佢嘅時候，同佢哋屋企人溝通講電話會唔會好冇禮貌？好唔孝順佢啲父母呢？又或者佢同D朋友一齊，佢係唔會好真誠咁對待啲朋友？聽佢講電話嘅時候，佢會唔會對佢哋呼之則來，揮之則去呢？

所以，我哋用一啲小事去留意你身邊同你拍拖嗰個男士，係咪你真正可以同佢長相廝守嘅人，如果佢對其他人、對屋企人好冇禮貌，睇唔起人！如果將來你同佢結咗婚，可能佢都會咁對你，所以我哋最緊要唔係因應嗰個男士有冇錢，而係佢個品格值唔值得你去愛！

「自愛」是每位女生成為更美好的自己時，演化過程中所必備的一種特質。只要有這種特性，無論在人生路上遇到逆境或順境，都能靠自己活出精彩。

1. 交友斷捨離 
人生路上，我們會遇上很多不同的人出現在每個階段中。年紀還少時，交甚麼朋友都沒所謂，反正大家都懵懂，一起消耗青春。但年紀漸長，交友要交心，能互助學習、一起成長的，繼續以真心維繫友情；否則只顧吃喝玩樂，俗稱酒肉朋友的，應該要分道揚鑣了。

2. 「拒絕」的藝術
人大了，就要學識向人說「不」。人生有限，不要浪費光陰在不會說「不」的事情上。不是每次有人來請求你幫忙，明知為難也礙於難以開口拒絕而答允，這樣浪費光陰之餘，也令自己不開心；所以，懂得自愛，就要懂得向不舒服的請求說不。

3. 管理自己的生活
這是很重要的一環。「自愛」本是很內在的特質，但能通過你的生活呈現出來。例如實行健康飲食、培養學習的興趣、管理自己的情緒、培養高品格和良好修養，待人處事要張弛有度，這樣的生活態度，就是你自愛的表現。

4. 經濟獨立
經濟獨立代表你不需要依賴任何人生活。你是自己的主人，所有的選擇都按自己的心意來決定，不需要仰人鼻息，卑躬屈膝。所以，即使你的另一半或家中環境充裕，也必須保持自己經濟獨立，這樣生活自在又精彩。